Nuși Tulliu s-feați Avdela tu anlu 1872. Dupâ ți bitisi sculia primarâ tu Clisura și liceulu rumânescu di Bituli, fu dhascal un anŭ la gimnazia ditu Ianina și dupâ, fudzi București iu si scrisi la Facultatea di Yramati.
Dupâ ți bitisi facultatea, si turna tu Gârții, tu anlu 1899, și lucră doi ańi ca revisor sculiar la sculiili rumânești di-tu Epir și Thesalii. Si turnă di-apoea tu Rumânii iu lucrâ doi ańi ca jurnalistu, si di-apoea nica doi ańi tu Ghirmânii.
Di-tu Ghirmânii, s-turnă tu Gârții, iu lucră ca inspector sculiar ti sculiili rumânești.
Muri tu anlu 1941.
Nuși Tulliu angrapsi și publică tu fimiridhili literari ditu ațelŭ chiro poemati și ńiți nuveli pi armaneaști si rumâneaști. Publică și un romanŭ “Murminți fărâ Cruți” tu ma multi părți to fimiridha “Ecoul Macedoniei” ama și fimiridha “Zborlu a nostru” di-tu Ghirmânii, tu numirili 25-30 di ańiľi 1990-1991. Multi di poematili și nuvelili alŭ Nuși furâ adunati și publicati tu carți di poemati i antoloyii ma are și niscânti nipublicati, și vahi chiruti.
Tache Papahagi, cari adună poematli și isturia alŭ Nuși Tulliu și u publică, prota tu cartea “Antologie aromaneasca” dit 1922 și di-apoea tu cartea “Poezii” di-tu 1926, spuni câ Nuși Tulliu easti nai ma marli poetŭ liricŭ armânescu.
Tu ańiľi ditŭ soni nali carți furâ tipusiti Bucuresti: “Antologie de Lirica Aromână” di-tu 1975 și “Antologie de Proză Aromână” di-tu 1977. Ma amânatŭ, Editura “Cartea Aromână” publică poematli alŭ Nuși Tulliu tu anlu 1989, și ma amânatŭ, romanlu “Murminți fărâ Cruți” și trei nuveli: „Unâ noapti cu furľi”, „Ververa” și „Cum ișii fur”.
Arâzga/Sursa: Popnicola, N., 2022. Ahârdziți armâńi ti istorii. Bituli: Liga mundialâ – a armańilor.
Nuși Tulliu (1872 – 1941) Scriitorŭ și poetŭ Armânŭ (cadhurŭ faptu cu Google Gemini dupâ cadhurlu original)
Nuși Tulliu s-feați Avdela tu anlu 1872. Dupâ ți bitisi sculia primarâ tu Clisura și liceulu rumânescu di Bituli, fu dhascal un anŭ la gimnazia ditu Ianina și dupâ, fudzi București iu si scrisi la Facultatea di Yramati.
Dupâ ți bitisi facultatea, si turna tu Gârții, tu anlu 1899, și lucră doi ańi ca revisor sculiar la sculiili rumânești di-tu Epir și Thesalii. Si turnă di-apoea tu Rumânii iu lucrâ doi ańi ca jurnalistu, si di-apoea nica doi ańi tu Ghirmânii.
Di-tu Ghirmânii, s-turnă tu Gârții, iu lucră ca inspector sculiar ti sculiili rumânești.
