VIVLIUTECA ARMÂNEASCÂ DIGITALĂ


NSUSU TU MUNTI

Jalea câńiloru –
Jalea Armâńiloru

Nsusu tu munti-aurlâ câńil’i, 
Picuraril’i plângŭ acasâ:
Vorŭ si s-ducâ tra s-l’i-anganâ, 
Ma mul’erili nu-l’i alasâ.

Câ chirdurâ oili toati,
Şi nu potŭ tra s-l’i hrâneascâ 
S-mutâ perlu cându l’i-avdzâ,
Mintea sta si si-alâceascâ!

Nsusŭ pri dzeanâ-aşteaptâ bacil’i, 
Cu sfârlicili tu mânâ, 
Ma nu vedŭ iuva, mâraţl’i,
Ni cupie, nicâ stânâ;

Şi când fugu, bâtuţ di jali,
Munţâl’i gol’i di oi mutrescu; 
Dupâ nâşi di foami câńil’i
Pisti ḑenuri ma zghilescu!
Nuși Tulliu's avatar

Nuși Tulliu

(1872 – 1941) Scriitorŭ și poetŭ Armânŭ Nuși Tulliu s-feați Avdela tu anlu 1872. Dupâ ți bitisi sculia primarâ tu Clisura și liceulu rumânescu di Bituli, fu dhascal un anŭ la gimnazia ditu Ianina și dupâ, fudzi București iu si scrisi la Facultatea di Yramati. Dupâ ți bitisi facultatea, si turna tu Gârții, tu anlu 1899, și lucră doi ańi ca revisor sculiar la sculiili rumânești di-tu Epir și Thesalii. Si turnă di-apoea tu Rumânii iu lucrâ doi ańi ca jurnalistu, si di-apoea nica doi ańi tu Ghirmânii. Di-tu Ghirmânii, s-turnă tu Gârții, iu lucră ca inspector sculiar ti sculiili rumânești. Muri tu anlu 1941.

NSUSU TU MUNTI
ALTI POEMATI DITŬ IDYEA CARTI
CARTEA TU FORMATŬ DIGITALŬ
Puizii – Nuși Tulliu

APRIDUȚERI / EXIYISIRI

ARMÂNEAȘTIROMÂNĂENGLISH
NSUS, TU MUNTISUS, LA MUNTEUP IN THE MOUNTAINS
Jalea câńiloru
Jalea Armâńiloru		Jalea câinilor
Jalea aromânilor		The sorrow of the dogs –
The sorrow of the Aromanians
Nsusu tu munti-aurlâ câńil’i,
Picuraril’i plângŭ acasâ:
Vorŭ si s-ducâ tra s-l’i-anganâ,
Ma mul’erili nu-l’i alasâ.		Sus la munte urlă cânii,
Păcurarii plâng acasă:
Vor să se ducă ca să-i cheme,
Dar femeile nu-i lasă,		Up in the mountains, the dogs are barking,
The shepherds are crying at home:
They want to go and call them,
But their wives won’t allow it.
Câ chirdurâ oili toati,
Şi nu potŭ tra s-l’i hrâneascâ
S-mutâ perlu cându l’i-avdzâ,
Mintea sta si si-alâceascâ!		Căci pierdură oile toate
Și nu pot ca să-i hrănească —
Se zbârlește părul când îi auzi,
Mintea stă să se turbure!		Because they lost all the sheep,
And they can’t afford to feed the dogs —
Your skin crawls when you hear them,
Your mind feels like it’s breaking!
Nsusŭ pri dzeanâ-aşteaptâ bacil’i,
Cu sfârlicili tu mânâ,
Ma nu vedŭ iuva, mâraţl’i,
Ni cupie, nicâ stânâ;		Sus pe deal așteaptă bacii
Cu ’sfărlicile în mină,
Dar nu văd nicăiri, sărmanii,
Nici turmă, nici stână;		Up on the hillside, the shepherds are waiting
With their sticks in hand,
But they don’t see anything, poor men —
No flocks, no sheepfolds.
Şi când fugu, bâtuţ di jali,
Munţâl’i gol’i di oi mutrescu;
Dupâ nâşi di foami câńil’i
Pisti ḑenuri ma zghilescu!		Și când pleacă, bătuți de jale,
Privesc munții [rămași] pustii de oi;
După dânșii de foame cânii
Peste coline tot urlă!		And when they leave, crushed by grief,
They look at the mountains, empty of sheep;
Behind them, the hungry dogs
Keep howling across the hills.

ARÂZGA / SURSA

Tulliu, N., 1926. Poezii. Original și transpunere literară. Vol. 1: Editura Societății cultural-naționale Apostol Margărit.
Tulliu, N., 1989. Puizii. Syracuse, NY: Editura Cartea Aromână.

Nsusu tu munti-aurlâ câńil’i, 
Picuraril’i plângŭ acasâ:
Vorŭ si s-ducâ tra s-l’i-anganâ, 
Ma mul’erili nu-l’i alasâ.

Câ chirdurâ oili toati,
Şi nu potŭ tra s-l’i hrâneascâ 
S-mutâ perlu cându l’i-avdzâ,
Mintea sta si si-alâceascâ!

Nsusŭ pri dzeanâ-aşteaptâ bacil’i, 
Cu sfârlicili tu mânâ, 
Ma nu vedŭ iuva, mâraţl’i,
Ni cupie, nicâ stânâ;

Şi când fugu, bâtuţ di jali,
Munţâl’i gol’i di oi mutrescu; 
Dupâ nâşi di foami câńil’i
Pisti ḑenuri ma zghilescu!

Author

  • Nuși Tulliu

    (1872 – 1941)
    Scriitorŭ și poetŭ Armânŭ

    Nuși Tulliu s-feați Avdela tu anlu 1872. Dupâ ți bitisi sculia primarâ tu Clisura și liceulu rumânescu di Bituli, fu dhascal un anŭ la gimnazia ditu Ianina și dupâ, fudzi București iu si scrisi la Facultatea di Yramati.

    Dupâ ți bitisi facultatea, si turna tu Gârții, tu anlu 1899, și lucră doi ańi ca revisor sculiar la sculiili rumânești di-tu Epir și Thesalii. Si turnă di-apoea tu Rumânii iu lucrâ doi ańi ca jurnalistu, si di-apoea nica doi ańi tu Ghirmânii.

    Di-tu Ghirmânii, s-turnă tu Gârții, iu lucră ca inspector sculiar ti sculiili rumânești.

    Muri tu anlu 1941.
, , , ,

Published by

Nuși Tulliu

Leave a Reply

Discover more from VIVLIUTECA ARMÂNEASCÂ DIGITALĂ

Subscribe now to keep reading and get access to the full archive.

Continue reading