Mutrescu niminarea
doauâ dulbii limpidz
pi yilia amurţâtâ a laclui:
easti unu Omega
disfaptu
dinâpoi
cu ciciuruşi chitrusiti
muti
ca moarti...
Acaţâ „oaca-ca!”
concertulu di-tu baltâ
di-tu etâ
di cându alfa-i alfa
di cându broasca-i broascâ
di cându broasca-i Omega.
Oaspili-a meu di-tu lacu,
oaca-ca, oaca-ca!
Dulbiili va-ľi creapâ
tu-nyeari intrati
di-aurlari umflati
ti vreari şuţâti.
Oaspili-a meu Omega.
Sta niminatu tu lacu
şi-şi cľeamâ vruta.
Easti oara a vreariľei.
Filuloagâ / Poetesâ Armânâ (1927 – 2009) Matilda Caragiu-Marioțeanu, s-amintă 20 alunaru 1927, tu hoara Hrupiște (adzâ, Argon Orestiko, Gârția). Tu anlu 1928, fumeaľea a ľei fu colonizatâ tu Cadrilater (Sarsânlar, Durostor), deadunu cu alte vârnâ 40 di fumeľi di armâńi. Adră sculia Silistra, Bacău și Ploiești, și bitisi Facultatea di Litere tu Universitatea di București tu anlu 1951. Tu anlu 1967 bitisi doctoratlu cu teza „Fonomorfologie aromână. Studiu de dialectologie structurală”.
ALTI POEMATI DITŬ IDYEA CARTI
APRIDUȚERI / EXIYISIRI
| ARMÂNEAȘTI | ROMÂNĂ | ENGLISH |
|---|---|---|
| OMEGA* | OMEGA* | OMEGA* |
| Mutrescu niminarea doauâ dulbii limpidz pi yilia amurţâtâ a laclui: easti unu Omega disfaptu dinâpoi cu ciciuruşi chitrusiti muti ca moarti… | Privesc nemişcarea două telescoape limpezi pe luciul amorţit al lacului: este un Omega desfăcut la spate 1 cu picioruşe împietrite mute ca moarte… | I gaze at stillness two clear telescopes on the numbed glaze of the lake: it is an Omega unfolded from the back with little legs turned to stone mute like death… |
| Acaţâ „oaca-ca!” concertulu di-tu baltâ di-tu etâ di cându alfa-i alfa di cându broasca-i broascâ di cându broasca-i Omega. | Începe „oac-oac-oac-ul” concertul din baltă etern de când alfa e alfa de când broasca e broască de când broasca-i Omega. | The “croak-croak-croak” begins the swamp’s concert, eternal, since alpha was alpha, since the frog was a frog, since the frog is Omega. |
| Oaspili-a meu di-tu lacu, oaca-ca, oaca-ca! Dulbiili va-ľi creapâ tu-nyeari intrati di-aurlari umflati ti vreari şuţâti. | Oaspele 2 meu din lac oac-oac, oac-oac! Telescoapele (stau) să-i crape în înviere intrate de urlat umflate de iubire ritmate 3. | My guest from the lake, croak-croak, croak-croak! Its telescopes are about to burst, entered into resurrection, swollen with howling, rhythmed by love. |
| Oaspili-a meu Omega. Sta niminatu tu lacu şi-şi cľeamâ vruta. | Oaspele meu Omega. Stă nemişcat în lac şi-şi cheamă iubita. | My guest, Omega. He stays still in the lake and calls his beloved. |
| Easti oara a vreariľei. | Este ora dragostei. | It is the hour of love. |
| *Ti omlu a meu. Noi şi Omega, tu budzâ di banâ, Măgura, 1987. | * Pentru soţul meu. Noi şi Omega, pe buză de viaţă, Măgura, 1987. | * To my husband. Us and Omega, on the lip of life, Magura 1987 |
1. „înapoi”.
2. „Prietenul”.
3. Literal : „de vrere sucite”
ARÂZGA / SURSA
Caragiu-Marioțeanu, M., 1994. Di nuntru și-di nafoarâ. Bucuresti: Editura Cartea Aromana.
Mutrescu niminarea
doauâ dulbii limpidz
pi yilia amurţâtâ a laclui:
easti unu Omega
disfaptu
dinâpoi
cu ciciuruşi chitrusiti
muti
ca moarti...
Acaţâ „oaca-ca!”
concertulu di-tu baltâ
di-tu etâ
di cându alfa-i alfa
di cându broasca-i broascâ
di cându broasca-i Omega.
