SI-NCURUNÂ ZBOARÂLI

Ţi ciudie !
Dzâţi ţerlu ari lună
şi... easti poezie !
şi harea easti-mplinâ!

Dzâţi ciello, Himmel, sky
şi suflitlu-a Armânlui
ca cheatra sta, si-lu dai
di ńilâ a vârnui!

Ca ţiva leamni-uscati
câ dipu ţiva nu-şi minâ:
ni frândza nu-ľi ma bati,
ni arpitli şi-alinâ...

Dzâţi soari-i, ţi luńinâ!
şi-arâu ţi curâ yioarâ,
Dzâţi boaţi di câmbanâ
şi s-deapirâ tuţ tr-oarâ!
Ţi ciudie !

Cându-ncurunâ zboarâ
tu grailu-a lui, di-acasâ,
di pachi-strâpachi, di-tu hoarâ,
ţi altoru lâ-lu alasâ,
a Armânlui-ľi crescu peani
di-ahâtâ pirifańi...

CATEGORII

1990 – 1999, Cartea Româneasca, Di nuntru și-di nafoarâ, Matilda Caragiu-Marioțeanu, Natlu, Poemati

Matilda Caragiu-Marioțeanu

Filuloagâ / Poetesâ Armânâ (1927 – 2009) Matilda Caragiu-Marioțeanu, s-amintă 20 alunaru 1927, tu hoara Hrupiște (adzâ, Argon Orestiko, Gârția). Tu anlu 1928, fumeaľea a ľei fu colonizatâ tu Cadrilater (Sarsânlar, Durostor), deadunu cu alte vârnâ 40 di fumeľi di armâńi. Adră sculia Silistra, Bacău și Ploiești, și bitisi Facultatea di Litere tu Universitatea di București tu anlu 1951. Tu anlu 1967 bitisi doctoratlu cu teza „Fonomorfologie aromână. Studiu de dialectologie structurală”.

ALTI POEMATI DITŬ IDYEA CARTI

CARTEA TU FORMATŬ DIGITALŬ

Di nuntru și-di nafoarâ

APRIDUȚERI / EXIYISIRI

ARMÂNEAȘTI	ROMÂNĂ	ENGLISH
SI-NCURUNÂ ZBOARÂLI	SE CUNUNĂ CUVINTELE	THE WORDS ARE MATCHED
Ţi ciudie ! Dzâţi ţerlu ari lună şi… easti poezie ! şi harea easti-mplinâ!	Ce minune! ¹ Zici: cerul are lună şi… este poezie! şi harul e deplin!	What a wonder! You say: the sky holds a moon and… it becomes poetry! and the grace is complete!
Dzâţi ciello, Himmel, sky şi suflitlu-a Armânlui ca cheatra sta, si-lu dai di ńilâ a vârnui!	Zici: ciello, Himmel, sky şi sufletul armânului ca piatra stă, să-l dai de milă vreunui!	You say: ciello, Himmel, sky and the Aromanian’s soul stands like stone, that you give away to someone out of pity!
Ca ţiva leamni-uscati câ dipu ţiva nu-şi minâ: ni frândza nu-ľi ma bati, ni arpitli şi-alinâ…	Ca nişte lemne-uscate că chiar nimic nu-şi mişcă: nici frunza nu-i mai bate, nici aripile-şi ridică…	Like dry wood, it stirs not at all: its leave doesn’t quiver anymore, nor do its wings lift up…
Dzâţi soari-i, ţi luńinâ! şi-arâu ţi curâ yioarâ, Dzâţi boaţi di câmbanâ şi s-deapirâ tuţ tr-oarâ!	Zici: soare-i, ce lumină! râuri ce cură chiare, ² zici sunete de clopot ³ şi-s flacără toţi iară! ⁴	You say: the sun shines, what light! and river that flows clear, you say: sound of bells, and all stir once again!
Ţi ciudie ! Cându-ncurunâ zboarâ tu grailu-a lui, di-acasâ, di pachi-strâpachi, di-tu hoarâ, ţi altoru lâ-lu alasâ, a Armânlui-ľi crescu peani di-ahâtâ pirifańi…	Ce minune! Când cunună cuvinte în graiul lui de-acasă, din moşi-strămoşi, din hoară, ⁵ ce altora li-l lasă, armânlui îi cresc pene6 de atâta mândrie…	What wonder! When matching words together in his mother tongue, from forefathers, from the village, which he passes on to others, the Aromanian grows wings from so much pride…

Cf. drom. ciudă, ciudăţenie, ciudat.
„Limpezi.”
Literal: „voce (de clopot de biserică).”
Literal : „şi se-nfioară toţi, dintr-o dată.”
„Sat.”
„Aripi.”

ARÂZGA / SURSA

Caragiu-Marioțeanu, M., 1994. Di nuntru și-di nafoarâ. Bucuresti: Editura Cartea Aromana.

Ţi ciudie !
Dzâţi ţerlu ari lună
şi... easti poezie !
şi harea easti-mplinâ!

Dzâţi ciello, Himmel, sky
şi suflitlu-a Armânlui
ca cheatra sta, si-lu dai
di ńilâ a vârnui!

Ca ţiva leamni-uscati
câ dipu ţiva nu-şi minâ:
ni frândza nu-ľi ma bati,
ni arpitli şi-alinâ...

Author

Matilda Caragiu-Marioțeanu

Filuloagâ / Poetesâ Armânâ
(1927 – 2009)

Matilda Caragiu-Marioțeanu, s-amintă 20 alunaru 1927, tu hoara Hrupiște (adzâ, Argon Orestiko, Gârția). Tu anlu 1928, fumeaľea a ľei fu colonizatâ tu Cadrilater (Sarsânlar, Durostor), deadunu cu alte vârnâ 40 di fumeľi di armâńi.

Adră sculia Silistra, Bacău și Ploiești, și bitisi Facultatea di Litere tu Universitatea di București tu anlu 1951. Tu anlu 1967 bitisi doctoratlu cu teza „Fonomorfologie aromână. Studiu de dialectologie structurală”.

VIVLIUTECA ARMÂNEASCÂ DIGITALĂ