OARA A-NSIRĂRIĽEI

Spuni-ńi, Doamne, câtâ iu-i Scâpitata? 
Câtâ cari parti a lumiľei 
şi-a lunâľei 
va-ńi tornu faţa 
tu-aumbrâ?

Ńi-u doru di-aumbra fârâ urmâ. 
Mi doari luńina 
ţi u portu 
amânatu 
tu mini-ńi...

Spuni-ńi, Doamne, câtâ iu-i Scâpitata? 
Di câtâ iu yini Elu, Soarili, 
cându dipuni?

Ńi-u doru di-aumbra fârâ urmâ, 
di oara aţea, unâ, 
a-Nsirăriľei 
cându Vinita şi Vgata 
si-mpriunâ...

Matilda Caragiu-Marioțeanu

Filuloagâ / Poetesâ Armânâ (1927 – 2009) Matilda Caragiu-Marioțeanu, s-amintă 20 alunaru 1927, tu hoara Hrupiște (adzâ, Argon Orestiko, Gârția). Tu anlu 1928, fumeaľea a ľei fu colonizatâ tu Cadrilater (Sarsânlar, Durostor), deadunu cu alte vârnâ 40 di fumeľi di armâńi. Adră sculia Silistra, Bacău și Ploiești, și bitisi Facultatea di Litere tu Universitatea di București tu anlu 1951. Tu anlu 1967 bitisi doctoratlu cu teza „Fonomorfologie aromână. Studiu de dialectologie structurală”.

ALTI POEMATI DITŬ IDYEA CARTI

CARTEA TU FORMATŬ DIGITALŬ

Di nuntru și-di nafoarâ

APRIDUȚERI / EXIYISIRI

ARMÂNEAȘTI	ROMÂNĂ	ENGLISH
OARA A-NSIRĂRIĽEI	ORA ÎNSERĂRII	THE HOUR OF DUSK
Spuni-ńi, Doamne, câtâ iu-i Scâpitata? Câtâ cari parti a lumiľei şi-a lunâľei va-ńi tornu faţa tu-aumbrâ?	Spune-mi, Doamne, încotro-i Scăpătatul ¹? Spre care parte a lumii şi a lunii întoarce-mi-voi capul, la umbră?	Tell me, Lord, which way does the sun set? Toward which corner of the world and of the moon shall I turn my head into the shadow?
Ńi-u doru di-aumbra fârâ urmâ. Mi doari luńina ţi u portu amânatu tu mini-ńi…	Mi-e dor de umbra fără urmă. Mă doare lumina ce o port târzie în mine-mi.	I long for the shadow without trace. The light I carry late, within myself it aches.
Spuni-ńi, Doamne, câtâ iu-i Scâpitata? Di câtâ iu yini Elu, Soarili, cându dipuni?	Spune-mi, Doamne, încotro-i Scăpătatul? De unde vine El, Soarele, când apune?	Tell me, Lord, which way does the sun set? Where does He come from, the Sun, when it sets?
Ńi-u doru di-aumbra fârâ urmâ, di oara aţea, unâ, a-Nsirăriľei cându Vinita şi Vgata si-mpriunâ…	Mi-e dor de umbra fără urmă, de clipa ² aceea unică a Înserării, când Venitul şi Plecatul se-mpreună…	I long for the shadow without trace, for that one, unique moment of Sunset, when the Beginning and the End become one…

1. „Apusul”.
2. Literal : „ora ; ceasul”.

ARÂZGA / SURSA

Caragiu-Marioțeanu, M., 1994. Di nuntru și-di nafoarâ. Bucuresti: Editura Cartea Aromana.

Spuni-ńi, Doamne, câtâ iu-i Scâpitata? 
Câtâ cari parti a lumiľei 
şi-a lunâľei 
va-ńi tornu faţa 
tu-aumbrâ?

Ńi-u doru di-aumbra fârâ urmâ. 
Mi doari luńina 
ţi u portu 
amânatu 
tu mini-ńi...

Spuni-ńi, Doamne, câtâ iu-i Scâpitata? 
Di câtâ iu yini Elu, Soarili, 
cându dipuni?

Ńi-u doru di-aumbra fârâ urmâ, 
di oara aţea, unâ, 
a-Nsirăriľei 
cându Vinita şi Vgata 
si-mpriunâ...

Author

Matilda Caragiu-Marioțeanu

Filuloagâ / Poetesâ Armânâ
(1927 – 2009)

Matilda Caragiu-Marioțeanu, s-amintă 20 alunaru 1927, tu hoara Hrupiște (adzâ, Argon Orestiko, Gârția). Tu anlu 1928, fumeaľea a ľei fu colonizatâ tu Cadrilater (Sarsânlar, Durostor), deadunu cu alte vârnâ 40 di fumeľi di armâńi.

Adră sculia Silistra, Bacău și Ploiești, și bitisi Facultatea di Litere tu Universitatea di București tu anlu 1951. Tu anlu 1967 bitisi doctoratlu cu teza „Fonomorfologie aromână. Studiu de dialectologie structurală”.

VIVLIUTECA ARMÂNEASCÂ DIGITALĂ